Ég byrjaði að læra saumaskap árið 2013 í Fjölbrautaskólanum í Breiðholti og hef síðan þá unnið bæði sjálfstætt og með fyrirtækjum að fjölbreyttum verkefnum tengdum saumaskap, fatabreytingum og sérsaum.

Áhugi minn á faginu leiddi mig áfram í frekara nám í fatatækni við Tækniskólann, þaðan sem ég útskrifaðist árið 2022. Þar dýpkaði ég þekkingu mína á sniðum, efnum, frágangi og allri þeirri nákvæmni sem góður saumaskapur krefst.

Þann 30. júní 2024 opnaði ég saumastofu fyrir almenning í Kolaportinu. Viðtökurnar voru frábærar og vegna mikillar eftirspurnar flutti saumastofan í Glæsibæinn þann 1. mars 2025.

Í dag býður Saumakallinn upp á faglega, persónulega og jarðbundna þjónustu, hvort sem það þarf að stytta buxur, laga uppáhaldsflíkina, breyta einhverju gömlu í eitthvað nýtt eða sauma eitthvað alveg sérstakt.

Hjá Saumakallinum fær fatnaður að lifa lengur með alúð og fagmennsku